BUTTOVIUM vel BUTOVIUM

BUTTOVIUM vel BUTOVIUM

una cum Lawenburgo, inter titulos Electoris Brandenburgici, compater: quas dynastias ad Cassubiam alioqui spectantes, contra Equites Cruciferos, Wartissaus X. et Ericus II. Pomeraniae Duces, saeculô XV. armis asseruêre; possessione postea, a Georgio Pomeraniae Duce (Luthero coaevo) ictô cum Polonis foedere et favore praesertim soceri Sigismundi Poloniae Regis stabili redditâ. Quae forsan causa est, quod nominatim hae duae titulo Electoris praefati Serenissimi adnectuntur, coeteroqui iam Cassubiae appellatione comprehensae. Tob. Pfannerus de praecipuis Germaniae Principum gentibus c. 4.